Սեպտեմբերի 22-ին տեղի ունեցավ ՄՌ համայնքի հերթական հանդիպումը Կասկադի տարածքում գտնվող “Արվեստանոց”-ում: Այս անգամ օրվա քննարկման առարկա ընտրվեց «Աշխատողների գոհունակության աստիճանի հետազոտման նպատակները» թեման:
Հանդիպման առաջին մասը հագեցած էր “փորձի փոխանակման” ձևաչափով ներկայացված արդի և կիրառելի տեղեկատվությամբ: Այնուհետև, բաժանվելով խմբերի, մասնակիցները կազմեցին և միմյանց ներկայացրեցին աշխատողների աշխատանքային պահանջմունքների առաջնայնության քարտեզը:
Հանդիպման ավարտին ակումբի անդամները հնարավորություն ունեցան շրջելու սրճարանում և հիանալու ցուցադրված արվեստի գործերով:
